waehring.naturfreunde.at

Bodensse - Sternradtour vom Standort Hangau

Sonntag, 7. bis Sonntag, 14.September 2014
Loading

7.09. KOFFA RADLN STEHN BEREIT,

LOS GEHT’S MIT DA RADTOUR HEIT.

DA RALPH WOA DA SCHOFFÖR,

WOS WÜ DE UNSA HERZ NO MEHR.

4 FRAUN VON WEINVIERTL HAUM A GHOBT FREI,

A BEIARIN WOA A DABEI.

UND WIA DE GSEGN HAUM DE SCHENAN RIEDN,

IS EANA DA MUND GLEICH OFFN BLIBN.

DAUN HAUMA UNSRE ZIMMA GSEGN,

DE WOAN JO OLLE WUNDASCHEN.

UND 19h DAUN DES MENÜ,

DES WOA SEHR GUAT UND A RECHT VÜ.

Abfahrt von Wien: 07:00 Uhr – Ankunft in Hangau: 17:45 Uhr

 

8.09. FRÜSTÜCK ESSN UND DAUN LOS,

HEITE SANS 50KM BLOS.

MIT DA FÄHRE NOCH KONSTANS DAUN,

WO OLLE RADLN PLOTZ GHOBT HAUM.

WOIKN HAUMA AM HIMME GSEGN,

DO WOA DES RADL NIMMA SCHEN.

Tageskilometer: 43 – Fahrzeit: 2 Std. 40 Min.

 

9.09. NOCH BREGENZ HOT DA BUS UNS BROCHT,

80KM RADLN GUADE NOCHT.

DE ANNI HOTS AM ÖBOGN GHAUT,

DES HOT JO ZIMMLICH OAG AUSGSCHAUT.

UNSARE ZWA KRAUNKNSCHWESTAN WOAN GLEI DO,

BOID WOA DE ANNI WIEDA FROH.

AM OBND WOA DE HAUND GAUNZ BLAU, MITN RALPH SCNÖ INS SPITOI

DE HAUM IA AN VABAUND DRAUF GEBN OP AUF JEDN FOI.

Tageskilometer: 82 – Fahrzeit: 5 Stunden

 

10.09. DA WOSSAFOI HOT GRAUSCHT OIS WIA,

UND IN SCHAFFHAUSN WOA FIAN OTTO KA BIER.

DRUMM SA MA SCHNÖ NOCH STEIN AM REIN,

DO WIATS MITN BIER VIELLEICHT BESSA SEIN. 11.09. UM HOIBAZEHNE IN DA FRUAH,

GEHT HEITE AU DE RADLTOUR.

DE PFAHLPAUTN WOAN DES ERSTE ZÜ,

DES WOA INTERESSANT UND GSEGN HAUMA VÜ.

ÜBERLINGEN WOA DA NÄCHSTE URT,

DO SA MA A BOID WIEDA FURT.

KIRCHN EINE KIRCHN AUSSE OLLAS AUGSCHAUT HINT UND VURN,

DAUN SCHNÖ EINE ZU AN FLEISCHA SUNNST WAR MA NO HEULIG WUAN.

DA OFFNBERG WOA HEIT ZUM SCHLUSS,

DES WOA JO WIAKLICH A GENUSS.

IN MEERSBURG DAUN NO GMIATLICH ESSN,

WIAS GSCHITT HOT SAMA DRINNAN GSESSN.

Tageskilometer: 43 – Fahrzeit: 2 Std. 45 Min.

 

12.09. 9 UHR OBFOHRT DAUN BOID REGN,

DES ZEPPELINMUSEUM WOA A SEGN.

WEUS DUATN DRINNAN TROCKN WOA,

DE HAUM UNS ZEIGT AN FÜM SOGOR.

DA RALPH MITN BUS WOA PÜKTLICH DO,

I GLAUB DO WOA MA OLLE FROH.

Tageskilometer: 15 – Fahrzeit: 1 Std.

 

13.09. AM LETZTN TOG HEIT WOA PLAN B,

WEU IS WEDA WOA NET SCHEE.

ERST REGN NOCHA SONNENSCHEIN,

I GLAUB MIA MIASSN ENGL SEIN.

NOCH STECKBORN DAUN NOCH REICHENAU,

DE TOUR WOA HEITE GOA NET FLAU.

ZUM SCHLUSS IS TREDN WUAN OIS WIA,

DA OTTO WOIDAT SCHO SEI BIER.

MIA WOIN JETZT OIN DANKE SOGN,

DE IRGENDWIA DO GHOIFN HAUM.

DA PEPI WOA FIA DE REPARATUR,

DER HOT IS WERKZEIG GHOBT DAZUA.

DE MARTINA HOT SIE A NET ZIERT,

UND HOT DE ZWEITE GRUPPN GFIAT.

DE ZWA KRAUNKNSCHWESTAN WOAN A NET FAD,

DRUM KRIAGN OLLA VIER A SCHOKOLAD.

UND OTTO DU WOAST ECHT A HIT,

GAUNZ SICHA FOA MA WIEDA MIT.

DAFIR FIA DIE JETZT ZUM GEDENK,

ZUM DAUNK A WUNDASCHENS GESCHENK.

DE RADLWOCHN IS JETZT AUS,

OIS DRAUFGOB NO AN MUATSAPPLAUS.

BEIM RALPH BEDAUNK MA UNS ZUM SCHLUSS,

DU KRIAGST DAUN DIE GESCHENK IM BUS.

E.M.

Tageskilometer: 57 – Fahrzeit: 3 Std. 45 Min.

 

Gesamtkilometer: 240 – Gesamtfahrzeit: 15 Std. 10 Min.

 

Abfahrt von Hangau: 09:00 Uhr – Ankunft in Wien: 17:45 Uhr

Otto Heinl

 

Weitere Informationen

Kontakt

Naturfreunde Währing
  • Kurt Tisch, Vorsitzender
  • +43 680/121 92 87
  •  
  • Gersthofer Straße 77 / Ecke Alsegger Straße
    1180 Wien
ANZEIGE
Angebotssuche